मृग बचाउने क्रममा रौतहटमा पेट्रोल ट्याङ्कर पल्टियो, आगलागीपछि पूर्ण रूपमा नष्ट (अपडेट)

रौतहटको गुजरा नगरपालिका–३ धनसार पुल नजिक महेन्द्र राजमार्गमा पेट्रोल बोकेको ट्याङ्कर दुर्घटना हुँदा आगलागी भई ट्याङ्कर पूर्ण रूपमा नष्ट भएको छ।

प्रहरीका अनुसार बिहीबार बिहान करिब ५ः३० बजे बाराको अमलेखगञ्जबाट सर्लाहीतर्फ जाँदै गरेको मधेश प्रदेश ०३–००१ ख ७८११ नम्बरको पेट्रोल ट्याङ्कर सडकमा आएको मृगलाई बचाउने क्रममा अनियन्त्रित भई सडकको दाहिने किनारमा पल्टिएको थियो। पल्टिएलगत्तै ट्याङ्करमा आगलागी भएको प्रहरीले जनाएको छ।