भीमेश्वरको मुख्य बजार क्षेत्रमा स्मार्ट सडक बत्ती

दोलखा । भीमेश्वर नगरपालिकाको मुख्य शहरी क्षेत्रमा स्मार्ट सडक बत्ती जडान गरिएको छ । भीमेश्वर नगरपालिका र नेपाल विद्युत् प्राधिकरणको संयुक्त लगानीमा नगरपालिकाको मुख्य शहरी क्षेत्रमा स्मार्ट सडक बत्ती जडान सम्पन्न भएको हो ।

ठेक्का कबोल रकमको ६० प्रतिशत भीमेश्वर नगरपालिका र ४० प्रतिशत नेपाल विद्युत् प्राधिकरणको लगानीमा नगरपालिकाको मुख्य शहरी क्षेत्रमा स्मार्ट सडक बत्ती जडान गरिएको भीमेश्वर नगरपालिकाका इञ्जिनीयर सुरेश राउतले जानकारी दिए । स्मार्ट लाइट जडान गर्न भीमेश्वर नगरपालिकाले ५० लाख र नेपाल विद्युत् प्राधिकरणले ३३ लाख ३३ हजार रुपैयाँ ब्यहोरेको उनले बताए ।