कांग्रेस उम्मेदवारको घर पुगेको प्रसङ्गलाई तोडमोड गरी भ्रामक प्रचार भएपछि रास्वपा उम्मेदवार टासी ल्हाजोमको आपत्ति

काठमाडौँ । राष्ट्रिय स्वतन्त्र पार्टी (रास्वपा) का तर्फबाट हुम्लाकी उम्मेदवार टासी ल्हाजोमले आफूलाई ‘कांग्रेस उम्मेदवार’ भनेको भन्दै सामाजिक सञ्जालमा फैलाइएको भिडिओको खण्डन गरेकी छिन् । केही सञ्चारमाध्यम र सामाजिक सञ्जाल प्रयोगकर्ताले भिडिओको सानो अंशलाई तोडमोड गरी उनी पार्टीप्रति नै अन्योलमा रहेको भन्दै भ्रम फैलाएपछि उनले त्यसको प्रतिवाद गरेकी हुन् ।

बुधबार ‘जनता मिडिया’ लगायतका फेसबुक र टिकटक आईडीहरूमा “हुम्ला पुगेर टासी ल्हाजोमले भनिन् म काँग्रेसको उम्मेदवार” भन्ने शीर्षकमा समाचार शैलीको भिडिओ सार्वजनिक भएको थियो । उक्त भिडिओमा टासीले “म हाल कांग्रेसको उम्मेदवार हुम्लाबाट..." भन्दै गर्दा एक वृद्धालेले उनलाई खादा लगाइदिएको देखिन्छ ।