च्याम्पियन्स लिगमा एटलान्टाको सानदार पुनरागमनः डर्टमन्डलाई ४–१ ले हराउँदै अघिल्लो चरणमा प्रवेश

काठमाडौँ । नेपाली समयअनुसार बुधाबर राति सम्पन्न च्याम्पियन्स लिगको प्ले–अफ अन्र्तगत दोस्रो लेगमा एटलान्टाले डर्टमन्डमाथि ४–१ को सानदार जित दर्ता गरेको छ । पहिलो लेगमा २–० ले पछि परेको एटलान्टाले घरेलु मैदानमा उत्कृष्ट पुनरागमन गर्दै समग्रमा ४–३ को जितसहित प्रतियोगिताको अर्को चरणमा स्थान सुरक्षित गरेको हो ।

खेलको सुरुवातदेखि नै आक्रामक देखिएको एटलान्टाका लागि जियानलुका स्कामाकाले खेलको ५ औँ मिनेटमै पहिलो गोल गर्दै टोलीलाई अग्रता दिलाए । पहिलो हाफको अन्तिम मिनेटमा डेभिड जापाकोस्टाले गोल गर्दै एटलान्टाको अग्रता दोब्बर बनाए र समग्रमा खेललाई बराबरीमा ल्याए ।