घोषणापत्र मात्रै होइन काम र व्यवहार हेर्नुपर्ने बेला
rajdhanidaily.com · Thu Apr 14 23:21:19 GMT 2022
स्थानीय तहको चुनाव नजिकिँदै गर्दा राजनीतिक दल ढिलो गरी घोषणापत्रको तयारीमा लागेका छन् । घोषणापत्रमा जेजस्ता विषयवस्तु समेटिए पनि स्थानीय जनता आफूले चुन्ने प्रतिनिधिले गाउँघरको विकासमा ध्यान दिनुपर्ने तथा गाउँका समस्या समाधान गर्ने किसिमले काम गरिदिए हुन्थ्यो भन्नेमा छन् ।
स्थानीय निर्वाचनताका जनताले खोज्ने भनेको स्थानीय समस्याको समाधानका लागि धारणा, नीति तथा कार्यक्रम हो । जनताले खोजेअनुसारका विकास कार्यक्रम समेटिएका घोषणापत्र पनि आउलान् तर पनि जनताले कागजमा लेखिएको घोषणापत्रलाई मात्रै विश्वास मानेर भोट हाल्नुहुँदैन । हिजोका दिनमा कुन राजनीतिक दलका नेताले के गरे ? कस्तो काम गरे ? जनताका सुख दुःखमा कतिको साथ दिए ? यी विषयलाई पनि प्रधान रूपमा हेरिनुपर्छ । यस अघि २०७४ सालमा भएको स्थानीय तहको निर्वाचनमा विभिन्न दलले स्थानीय तहको विकासका लागि ठूला ठूला योजना र कार्यक्रम समेटिएको घोषणापत्र सार्वजनिक गरेका थिए । निर्वाचन जितेर आएपछि उनीहरूमध्ये अधिकांशले घोषणापत्रमा उल्लेख भएका महत्वकांक्षी विकासका आयोजना नै बिर्सन पुगे । चुनाव जितेर आए पनि कैयांै समयसम्म उनीहरू कुम्भकर्ण निद्रामा व्यस्त भए ।
स्रोतमा पूरा पढ्नुहोस् (rajdhanidaily.com)