ट्रम्प सवार हेलिकप्टर घटनाको छानबिन सुरु

अमेरिकी राष्ट्रपति डोनाल्ड ट्रम्प सवार ‘मरिन वन’ सैन्य हेलिकप्टर वासिङ्टनमाथिको उडानका क्रममा एउटा व्यावसायिक यात्रुवाहक विमानसँग अत्यन्त नजिक पुगेको हुन सक्ने घटनाको अमेरिकी अधिकारीहरूले अनुसन्धान थालेका छन्।

अमेरिकाको राष्ट्रिय यातायात सुरक्षा बोर्ड (एनटिएसबी) ले अगस्ट ४ मा भएको उक्त घटनामा आवश्यक हवाई दूरी कायम नभएको हुन सक्ने जनाएको छ। ह्वाइट हाउसले भने उडानका कुनै पनि चरणमा राष्ट्रपति ट्रम्पको सुरक्षामा कुनै जोखिम नपरेको बताएको छ।