बैंकहरूको निक्षेप ८० खर्ब माथि, ऋण दिन मिल्ने रकम साढे १३ खर्ब

काठमाडौं । बैंक तथा वित्तीय संस्थामा भएको निक्षेप पहिलो पटक ८० खर्ब रूपियाँ माथि पुगेको छ । नेपाल राष्ट्र बैंकले सार्वजनिक गरेको जेठ २० गते सम्मको तथ्यांकले बैंक तथा वित्तीय संस्थामा भएको निक्षेप सो विन्दुमा पुगेको देखाएको हो । नेपालमा पहिलो पटक बैंक तथा वित्तीय संस्थामा भएको निक्षेप ८० खर्ब रूपियाँ पुगेको हो ।

निक्षेप बैंक तथा वित्तीय संस्थामा जेठ १९ गते ८० खर्ब १० अर्ब रूपियाँ र जेठ २० गते ८० खर्ब २० अर्ब रूपियाँ निक्षेप पुगेको छ । माघ २० गतेसम्म वाणिज्य बैँकहरूमा ७२ खर्ब ३७ अर्ब रूपियाँ र अन्य बैंक तथा वित्तीय संस्थामा सात खर्ब ८३ अर्ब रूपियाँ निक्षेप छ । बढ्दो रेमिट्यान्स लगायतका कारण बैँकहरूमा निक्षेप बढ्दो क्रममा छ ।