२४ घण्टामा लुम्लेमा पर्‍यो १२५.३ मिलिमिटर वर्षा

काठमाडौँ- पछिल्लो २४ घण्टामा देशका धेरै ठाउँमा पानी परेको छ । कतिपय स्थानमा ‘धेरै भारी’सम्म वर्षा भएको मौसम पूर्वानुमान महाशाखाले जनाएको छ। बिहीबार (साउन २१) दिउँसो १२ः३० बजे गरिएको मापनमा पछिल्लो २४ घण्टामा सबैभन्दा बढी पानी कास्कीको लुम्लेमा १२५.३ मिलिमिटर परेको महाशाखाले जनाएको छ।

‘गएको २४ घण्टामा देशका धेरै ठाउँमा पानी परेको छ,’ महाशाखाले भनेको छ, ‘सबैभन्दा बढी पानी कास्कीको लुम्लेमा १२५.३ मिलिमिटर परेको छ।’ हाल देशभर मनसुनी वायुको प्रभाव छ । “हाल मनसुनको न्यूनचापीय रेखा पूर्वमा सरदर स्थानको आसपास तथा पश्चिममा सरदर स्थानभन्दा केही उत्तरतर्फ रहेको छ,’ महाशाखाले भनेको छ।