लोपोन्मुख राउटे समुदायकी एक महिलाको मृत्यु

सुर्खेत । लोपोन्मुख राउटे समुदायकी एक महिलाको मृत्यु भएको छ । मृत्यु हुनेमा ६५ वर्षीया फलाटो शाही रहेकी छिन् ।

उनी राउटे समुदायका मुखीया मध्येका एक प्रकाश शाहीकी आमा हुन् । राउटे परियोजनाका कर्मचारी लालबहादुर खत्रीका अनुसार, उनी दीर्घरोगका बिरामी थिइन् । ‘औषधी सेवन गरिरहेकी थिइन्,’ खत्रीले भने, ‘अहिले साउने सङ्क्रान्तिको अवसरमा अत्यधिक मदिरा सेवन पनि भएकाले बिहान २ बजेतिर मृत्यु भयो ।’