कटारी अस्पतालका डा. गौरव साहको समर्थनमा नेपाल चिकित्सक संघ

काठमाडौं- नेपाल चिकित्सक संघले कटारी अस्पतालका मेडिकल सुपरिटेन्डेन्ट डा. गौरव साहमाथि भएको दुर्व्यवहारको घटनाप्रति गम्भीर ध्यानाकर्षण भएको जनाउँदै उनको समर्थनमा प्रेस विज्ञप्ति जारी गरेको छ। संघका महासचिव डा. विश्वराज दवाडीद्वारा जारी विज्ञप्तिमा घटनाको सत्यतथ्य छानबिनमा डा. साहको भूमिका सकारात्मक रहेको स्पष्ट पारिएको छ।

गत जेठ ११ गते कटारी अस्पतालमा पोस्टमार्टम सम्बन्धी घटनालाई लिएर मेडिकल सुपरिटेन्डेन्ट डा. गौरव साहमाथि दुर्व्यवहार भएको थियो। उक्त घटनाको सत्यतथ्य, प्रमाण र सम्बन्धित पक्षहरूको धारणा अध्ययन गर्न जेठ २० गते कटारीमा एक सर्वदलीय तथा सर्वपक्षीय छलफल कार्यक्रम आयोजना गरिएको थियो। नेपाल चिकित्सक संघका उपाध्यक्ष एवं कोशी प्रदेश संयोजक डा. रोशन खड्काको उपस्थितिमा भएको उक्त छलफलले समस्या समाधानका लागि सहजीकरण गरेको संघले जनाएको छ।