वर्षाले धानबालीमा क्षति

बाँके । बुधबार परेको वर्षाका कारण बाँकेमा धानबालीमा ठुलो क्षति पुगेको छ । धेरै ठाउँमा धानबाली ढलेर किसानलाई समस्या भएको छ ।

हावाहुरीसहितको वर्षाले पाकेको बीउ धानमा ठुलो क्षति पुर्‍याएको राप्ती सोनारीको साकार कृषि सहकारी संस्थाका व्यवस्थापक जमानसिंह वलीले बताए । उनका अनुसार किसानले १५० बिगाहा रोपेको बीउ धानमा वर्षाले क्षति पुर्‍याएको छ । स्याहार्ने बेला वर्षाले क्षति पुर्‍याएपछि आगामी वर्षको लागि धानको बीउ अभाव हुने भएको छ ।