जेनजी आन्दोलनमा भागेका कैदी पक्राउ

२१ साउन, तेह्रथुम । कर्तव्य ज्यान मुद्दामा २० वर्ष कैद सजाय फैसला भई कैद भुक्तान गरिरहेकै अवस्थामा फरार व्यक्तिलाई तेह्रथुम प्रहरीले पक्राउ गरेको छ । जिल्ला प्रहरी कार्यालय तेह्रथुमका अनुसार इलाका प्रहरी कार्यालय बसन्तपुरबाट प्रहरी निरीक्षक रुपेश तामाङको कमाण्डमा खटिएको प्रहरी टोलीले लालीगुराँस नगरपालिका–८ सोल्माका ३५ वर्षीय छत्रबहादुर नेपालीलाई पक्राउ गरेको हो ।

जिल्ला अदालत तेह्रथुमको फैसला अनुसार कर्तव्य ज्यान मुद्दामा २० वर्ष कैद सजाय भुक्तानका क्रममा सुनसरीस्थित झुम्का कारागारमा रहेका थिए । उनी २०८२ साल भदौ २३ र २४ गते कारागारमा भएको आन्दोलनका क्रममा फरार भएका थिए ।