संगीतमा विद्याको छलाङ
newsofnepal.com · Fri Dec 17 01:22:14 GMT 2021
गायिका विद्या तिवारी फिल्मी, आधुनिक, पपजस्ता विभिन्न विधाका एकसे एक गीत गाएर स्थापित नाम बनेकी छिन् । करिब एक दशकदेखि गीत संगीतको क्षेत्रमा सक्रिय हेटौंडाकी उनले दर्जनौं गीत बजारमा ल्याएर नेपाली सांगीतिक आकाशमा छलाङ मारेकी छिन् भने दर्जनौं लोकप्रिय गीत यो क्षेत्रलाई दिइसकेकी छिन्। उनले गाएका गीत एकपछि अर्को गर्दै युटुयुब ट्रेन्डिङमा पर्दै आएका छन् ।
आफूलाई पूर्वीयदेखि पाश्चात्यसम्मका गीत गायनका लागि अब्बल सावित गर्दै विद्याले बाल्यकालबाटै गायिका बन्ने लक्षण देखाएकी रहिछन्। ‘म आफूलाई गीत संगीतबारे राम्रोसँग थाहा नहुँदादेखि नै गीत गुनगुनाउँथे रे। मेरो घरमै सांगीतिक माहोल थियो । बुबा र हजुरबुबा गीत गाउनुहुन्थ्यो। उहाँहरूकै पथ पछ्याएर कहिलेबाट गाउन थालें भन्ने नै मलाई थाहा छैन’ विद्यालयस्तरबाटै गायन प्रतियोगिताहरूमा नेतृत्व गर्दै आएकी विद्या सुनाउँछिन् ‘याद हुने गरेरचाहिं आठ कक्षा पढ्दादेखि नै गीत गाएँ । त्यही बेलातिर भक्तराज आचार्यको जहाँ छन् बुद्धका आँखा बोलको गीत गाएर हेटौंडामै भएको नेपाली ताराको अडिसनबाट छनोट भएँ। तर, पढाइ नै मेरो पहिलो प्राथमिकता थियो। त्यसैले कम्पिटिसन गर्न काठमाडौं आउन सकिनँ। हेटौंडामै हुने गरेका सांगीतिक प्रतियोगिताहरुमा भने भाग लिईरहें। गाउँदै जाँदा आज दर्शक स्रोताले मन पराइदिनुभएको छ, खुसी लाग्छ।’
स्रोतमा पूरा पढ्नुहोस् (newsofnepal.com)