मर्दी हिमालमा अलपत्र तीन ट्रेकरको साहसिक उद्धार, बिजुलीको तारको सहारामा पुग्यो सशस्त्र प्रहरी टोली

पोखरा– कास्की जिल्लाको माछापुच्छ्रे गाउँपालिका–९, बादल डाँडास्थित मर्दी हिमाल ट्रेकिङ क्षेत्रमा अलपत्र परेका तीन युवाको सशस्त्र प्रहरी, नेपाली सेना, नेपाल प्रहरी तथा स्थानीयको संयुक्त प्रयासमा सकुशल उद्धार गरिएको छ ।

पोखरा महानगरपालिका–१४, खसी बजार निवासी २४ वर्षीय अजित जीसी, २३ वर्षीय युकेश गुरुङ तथा २६ वर्षीय करण लामा साउन १९ गते ट्रेकिङका लागि मर्दी हिमालतर्फ गएका थिए । निर्धारित समयमा उनीहरू सम्पर्कमा नआएपछि परिवार तथा आफन्तले खोजीका लागि सम्बन्धित निकायलाई जानकारी गराएका थिए ।