पूर्वप्रधानमन्त्री शेरबहादुर देउवा साउन २६ गते स्वदेश फर्किँदै

काठमाडौं । नेपाली कांग्रेसका पूर्वसभापति तथा पूर्वप्रधानमन्त्री शेरबहादुर देउवा साउन २६ गते स्वदेश फर्किने भएका छन् । हङकङमा रहेका देउवा साउन २६ गते नेपाल फर्किने तय भएको उनीनिकट नेता डा. प्रकाशशरण महतले जानकारी दिएका छन् ।

‘२६ गते राति ९:४५ बजे आइपुग्नुहुन्छ,’ महतले भने । पूर्वप्रधानमन्त्री देउवा गत ७ चैत २०८२ मा थप उपचारका लागि भन्दै सिंगापुरबाट हङकङ गएका थिए । त्यसअघि उनी १३ फागुनको राति सिंगापुर एयरलाइन्सको उडानमार्फत सिंगापुर गएका थिए ।