‘द कोस्बी शो’ का अभिनेता म्यालकम–जमाल वार्नरको निधन

काठमाडौँ । अमेरिकी अभिनेता म्यालकम–जमाल वार्नरको ५४ वर्षको उमेरमा निधन भएको छ। परिवारसँग कोस्टारिकामा बिदा मनाउने क्रममा डुबेर उनकाे मृत्यु भएको हो।

वार्नरले एनबीसीको चर्चित टेलिभिजन शृङ्खला ‘द कोस्बी शो’ मा थियो हक्सटेबलको भूमिकाबाट लोकप्रियता कमाएका थिए। सन् १९८४ देखि १९९२ सम्म प्रसारण भएको उक्त शृंखलामा उनले बाल कलाकारको रूपमा अभिनय गरेका थिए। उक्त भूमिकाका लागि उनलाई सन् १९८६ मा प्राइमटाइम एमी अवार्डको मनोनयन प्राप्त भएको थियो।