राष्ट्रिय स्वतन्त्र पार्टीको ‘दुई दिन’ शनिबार सकिँदै

काठमाडौं- राष्ट्रिय स्वतन्त्र पार्टीले सरकारमा रहने वा नरहने अन्तिम निर्णय लिनुअघि पर्खिने भनिएको दुई दिनको समयावधि शनिबार सकिँदै छ। गत बिहीबार साँझ बसेको पार्टीको केन्द्रीय समिति तथा संसदीय दलको संयुक्त बैठकले दुई दिन पर्खिने निर्णय लिएको थियो।

बिहीबारको बैठकबाटै राष्ट्रिय स्वतन्त्र पार्टीले सरकार छाड्ने निर्णय लिने आकलन गरिएको थियो। नेताहरुले पनि सोही आशयको अभिव्यक्ति दिएका थिए। तर, बैठक सुरु हुनुअघि र सुरु भइसकेपछि सो पार्टीका सभापति रवि लामिछानेसँग प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’, एमाले अध्यक्ष तथा उच्चस्तरीय राजनीतिक संयन्त्रका संयोजक केपी शर्मा ओली र राप्रपा अध्यक्ष राजेन्द्र लिङ्देनले कुरा गरेका थिए।