४४ लाख मूल्य बराबरको भन्सार छलीको सामान बरामद

काठमाडौँ । प्रहरीले बर्दियाको मधुबन नगरपालिका–८ स्थित सानोश्री बजार बाट ठुलो परिमाणमा भन्सार छलिको सामान बरामद गरेको छ।

पिकअप भ्यान र बोलेरोमा भारतबाट ल्याएको ३७ सय ९० दर्जन काँचो केरा र लुकाएर राखेको अवस्थामा १८ लाख मूल्य बराबरको किराना सामान बरामद गरिएको जिल्ला प्रहरी कार्यालय बर्दियाले जनाएको छ।

काँचो केरा र गाडी सहितको बरामद मूल्य २५ लाख ५९ हजार र किराना सामानको मूल्य १८ लाख ८५ हजार कायम गरेर प्रहरीले सो सामान राजापुर भन्सार कार्यालयमा बुझाएको छ।

सबै सामानको मूल्य ४४ लाख कायम गरिएको जिल्ला प्रहरी कार्यालय बर्दियाले जनाएको छ।