कुबेलाको राजनीतिक हुइयाँ !

प्रधानमन्त्री पुष्पकमल दाहालले मंगलवार बोलाएको सर्वदलीय बैठकमा नेताहरूले गणतन्त्रको रक्षाका लागि ‘पुनः प्रतिबद्धता’ प्रकट गरेका छन् । यद्यपि, अहिले सरकार र सबै राजनीतिक दलहरूको ध्यान भने भूकम्पपीडितप्रति क्न्द्रित हुनुपर्ने हो ।

नेताहरूले हल्ला मच्चाएजस्तो अहिले गणतन्त्र, संघीयता, धर्मनिरपेक्षताजस्ता नेपालको संविधान, २०७२ का आधारस्तम्भ सङ्कटमा परेका छैनन् । बरू, राज्य सञ्चालकहरूको गैरजिम्मेवार र भ्रष्ट क्रियाकलाप देखेर जनमानस क्षुब्ध भएको छ ।