इन्फान्टिनोलाई चुनौती दिने तयारीमा युरोपेली फुटबल

फिफा अध्यक्ष जियानी इन्फान्टिनोलाई आगामी निर्वाचनमा चुनौती दिने रणनीति बनाउन युरोपेली फुटबल नेतृत्व सक्रिय भएको छ। उम्मेदवार तय गर्न समयसीमा नजिकिँदै गर्दा युरोपेली फुटबल महासंघ (यूईएफए)ले आफ्ना ५५ सदस्य राष्ट्रसँग छलफल तीव्र पारेको हो।

यूईएफएले आज जर्मनीको बर्लिनमा आफ्ना सबै ५५ सदस्य संघका प्रतिनिधिलाई बोलाएर विशेष शिखर बैठक गर्दैछ। यसअघि नै तय भएको उक्त बैठक इन्फान्टिनोविरुद्ध नयाँ नेतृत्व खोज्ने युरोपेली प्रयासकै बीचमा हुन लागेको हो।