किसान बचाउन ६ लाख बाँदर मार्नुपर्छ, जेल जान पनि डराउँदिनँ: सांसद राई

काठमाडौँ । श्रम संस्कृति पार्टीका सांसद ध्रुवराज राईले मुलुकमा बाँदरको आतङ्कका कारण किसानहरू ठुलो मारमा परेको उल्लेख गर्दै समस्या समाधानका लागि ६ लाख बाँदर मार्नुपर्ने बताएका छन्।

संसद् भवन परिसरमा सञ्चारकर्मीहरूसँग कुराकानी गर्दै उनले बाँदरले बालीनाली सखाप पारेका कारण किसानको समस्या समाधान गर्न यो कठोर कदम आवश्यक रहेको जिकिर गरेका हुन्।