२२ करोड १७ लाख राजश्व सङ्कलन

पाल्पा । यातायात व्यवस्था सेवा कार्यालय पाल्पाले अघिल्लो आर्थिक वर्ष भन्दा २ करोड बढी राजश्व सङ्कलन गरेको छ । आर्थिक वर्ष २०८१–०८२ मा २० करोड १९ लाख २० हजारबाट बढेर आर्थिक वर्ष २०८२–०८३ मा २२ करोड १७ लाख ७१ हजार राजश्व सङ्कलन भएको छ ।

कार्यालयले विभिन्न ९ वटा शीर्षकमा राजश्व सङ्कलन गर्ने गर्दछ । सवारी साधन कर १७ करोड २९ लाख ८ हजार, प्रशासनिक सेवा शुल्क १ लाख २७ हजार, सवारी नवीकरण १ करोड १२ लाख ८३ हजार, सवारी चालक अनुमति पत्र शुल्क २ करोड ८७ लाख ९९ हजार, यातायात क्षेत्रको आम्दानी २६ लाख ६८ हजार, आयकर ५९ लाख ८४ हजार राजश्व सङ्कलन भएको कार्यालयका निमित्त प्रमुख श्रीराम पाण्डेले बताए ।