अरुण तेस्रो आयोजनाको डाइभर्सन थुनियो,ओभर फ्लो भएर पानी बग्न थाल्यो

बिराटनगर । लगातारको वर्षा पछि अरुण नदीमा आएको बढीले अरुण तेश्रो आयोजनाको डाइभर्सन थुनिएको छ। संखुवासभाको मकालु गाउँपालिका-५ फ्याक्सिन्दामा निर्माणाधीन बाँध थुनिएर ओभर फ्लो भएर पानी बग्न थालेको गाउँपालिकाका अध्यक्ष ओङ्दी छिरिङ भोटेले जानकारी दिए ।

अरुण नदीमा आएको बाढीले डाइभर्सन थुनिएको र अहिले ओभर फ्लो भएर पानी बगिरहेको र त्यो फुट्यो भने तटीय क्षेत्रमा खतरा रहेको अध्यक्ष भोटेले बताए। ‘अरुण नदि थुनिएको भन्दा आयोजनाको ड्याम छ त्यो ड्याम ब्लक भएको हो,अहिले भरिएर पानी बग्न थालेको छ,उनले राजधानीसँग भने,त्यहाँ पुग्न पालिकाको केन्द्र देखि ७-८ किलोमिटरमा पर्छ अहिले खासै त्यस्तो केहि छैन ब्लक चाहिँ भएको हो’।