कटारीमा टिपर व्यवसायीको प्रदर्शन, मदन भण्डारी राजमार्ग अवरुद्ध

२२ असोज, उदयपुर । कटारी क्षेत्रमा टिपर सञ्चालनमा रोक लगाइएको विरोधमा व्यवसायीहरूले प्रदर्शन गरेका छन् । उनीहरूले मदन भण्डारी राजमार्गअन्तर्गत कटारी सडकखण्डमा टिपर तेर्स्याएर सडक अवरुद्ध गरेका हुन् ।

सिमेन्टको खानीबाट चुनढुंगा ढुवानी गर्ने टिपर सञ्चालनलाई लिएर स्थानीयवासी र व्यवसायीबीच विवाद बढ्दै गएपछि व्यवसायीहरू आन्दोलनमा उत्रिएका हुन् ।