ल्हारक्यालको लज्जास्पद नियुक्ति

हिंसा छाडेर शान्तिमार्गमा आएको हुँदा कहिलेकाहिँ आफूलाई सम्राट अशोकसँग तुलनासमेत गर्न भ्याउन प्रधानमन्त्रीले कम्तीमा आफ्नो त्यही वचन साँचो तुल्याउन पनि हिंसासँग जोडिएको व्यक्तिलाई काखी च्याप्ने भूल फिर्ता गर्नु हितकर नै हुनेछ।

तेस्रोपटक प्रधानमन्त्री नियुक्त हुँदा पुष्पकमल दाहाल 'प्रचण्ड'ले गरेको प्रतिबद्धता सुशासन हो। लुम्बिनी विकास कोषमा विवादास्पद छविका ल्हारक्याल लामालाई उपाध्यक्ष नियुक्त गरेर प्रधानमन्त्रीले प्रतिबद्धता विपरीतको कार्य गरेका छन्। ल्हारक्याल सामान्य विवादमा परेका व्यक्तिमात्रै होइनन्, लुम्बिनी जुन पवित्रता छ, त्यसको ठिक विपरीतकै पात्र हुन्। लुम्बिनी अहिंसाको पर्याय पनि हो, ल्हारक्यान भने बन्दुर बोक्ने मान्छे हुन्। गौतम बुद्धको जन्मस्थलको संरक्षण प्रवद्र्धनमात्रै कोषको काम होइन, समग्र बौद्धमार्गकै हित गर्ने पनि हो।