ठुलो जनादेशले सरकारलाई अवसर दिए पनि सर्वसत्तावाद र शक्ति केन्द्रीकरणको जोखिम बढायो : उपेन्द्र यादव

काठमाडौँ । जनता समाजवादी पार्टी (जसपा), नेपालका अध्यक्ष उपेन्द्र यादवले नेपालको वर्तमान राजनीति परम्परागत शक्तिहरूको प्रभुत्वबाट नयाँ राजनीतिक शक्ति र नयाँ संस्कारतर्फ रूपान्तरण भइरहेको विश्लेषण गरेका छन्।

ललितपुरको ज्यापू सभा हलमा बुधबारदेखि सुरु भएको केन्द्रीय समिति बैठकमा राजनीतिक प्रतिवेदन प्रस्तुत गर्दै नेपाली कांग्रेस, कम्युनिस्टका विभिन्न धार, राप्रपा र नेकपा (माओवादी केन्द्र) लगायतका परम्परागत शक्तिहरूप्रति जनताको असन्तुष्टि बढ्दै गएको उल्लेख गरेका हुन् ।