अर्घाखाँचीमा २७ करोडको सुन्तला उत्पादन

अर्घाखाँची । अर्घाखाँचीमा यस वर्ष २७ करोड रुपैयाँबराबरको सुन्तला उत्पादन हुने भएको छ । भिरालो पाखोमा लटरम्मै फलेका सुन्तलाले आम्दानी बढेपछि यस क्षेत्रका किसानको जीवनस्तर पनि फेरिएको छ ।

त्यस्तै, किसानहरू परम्परागत खेती छोडेर सुन्तला खेतीमा लागेका छन् । व्यावसायिक रूपमा सुन्तला खेती गर्नेको संख्या बढ्दै गएको छ । जिल्लाको पाणिनी गाउँपालिकाको पणेना, पोखराथोक, पटौटी, खिदिम, छत्रदेवको भगवती, मालारानीको मरेङ, खन, साकिन्धारालगायतका ठाउँका कृषकको आम्दानीको मुख्य स्रोत सुन्तला खेती बनेको छ ।