स्टार इण्डियाको दादागिरि र गैरव्यवसायिक कार्यप्रति डिस्नीले उचित कदम चाल्नुपर्छः डिश मिडिया

काठमाडौं । नेपालको ‘पे टिभी’ उद्योग संकटमा रहेको बेला भारतीय टेलिभिजन टेलिभिजन कम्पनी स्टार ग्रुपअन्तर्गतको स्टार इण्डिया प्राइभेट लिमिटेडले एक पक्षीयरुपमा टेलिभिजन सिग्नल बन्द गरेकोप्रति डिश मिडिया नेटवर्कले अमेरिकाको डिस्नी स्टारको ध्यानाकर्षण गराएको छ ।

डिशहोम ब्राण्डमा नेपालका लाखौं ग्राहकलाई टेलिभिजन सेवा प्रदान गर्दै आएको डिश मिडिया नेटवर्कले आफूले नियमितरुपमा रकम भुक्तानी गरिरहेको बेला लाखौं उपभोक्ताको अधिकार कुण्ठित हुनेगरी बिना सुचना स्टार इण्डियाले च्यानल बन्द गर्नु गैरव्यवसायिक शैली भएको बताउँदै यस विषयमा डिस्नी स्टारले स्टार इण्डियाको दादागिरि रोकी उसलाई आवश्यक कारवाही गर्नुपर्ने बताएको छ ।