‘काठमाडौं कहिले फर्किने ?’

प्रत्येक पटक घर (गाउँ) जादा मलाई घर पुग्नुअगावै बाटैमा सोधिने प्रश्न हो– काठामाडौं कहिले फर्किने ? पृथ्वी राजमार्गको फिस्लिङदेखि मेरो घर तीन किमिको दुरीमा छ । तीन किमिको दुरीमा भेटिने धेरै जसोले यही प्रश्न गर्छन् । प्रश्न अधिंकास स्थानीय राजनीतिक दलको नेता र जनप्रतिनिधिकै मुखबाट सुनिन्छ ।

अझ हप्ता दिनभन्दा बढी गाउँ बसिराखे, गाउँभरिकै मान्छेले सोध्न थाल्छन्– ‘हैन, कहिले जाने हो काठमाडौं ?’ विगत केही वर्षदेखि म यो प्रश्नको मारमा छु । प्रश्नभित्र मुख्य गरी दुइ वटा विषयहरु गहिरो गरी जोडिएको छ । पहिलो, गाउँप्रतिको भाष्य । दोस्रो, स्थानीय सरकारको आत्मविश्वासको कमी ।