मृत्युदण्ड दिने क्रममा सातपटक सुई हान्दा पनि बाँचेकी क्रिस्टा: मृत्युदण्ड स्थगन, कानुनी टिम अदालतमा !

अमेरिकाको टेनेसी राज्यमा विषालु सुईमार्फत मृत्युदण्ड दिने दोस्रो प्रयास असफल भएपछि गम्भीर घाइते भएकी ५० वर्षीया क्रिस्टा पाइक चमत्कारिक रूपमा जीवितै जोगिएकी छन्। सन् १९९५ को हत्या अभियोगमा सजाय भोगिरहेकी उनलाई गत साता घातक रसायन ‘पेन्टोबार्बिटल’ का दुई मात्रा दिइएको थियो। सुई हान्न कम्तीमा सातवटा सिरिन्ज प्रयोग गर्दा एउटा त ९० डिग्रीमा बङ्ग्याइएको थियो। अत्यधिक असरदार रसायनका कारण उनका पाखुरा सुन्निएका, पोलेका र फोका उठेका छन्। झन्डै एक सातापछि होसमा आएकी उनको उपचार जारी छ।

यस घोर लापरबाही र अमानवीय व्यवहारविरुद्ध कानुनी टिमले नेसभिलको अदालतमा आपत्कालीन निवेदन दर्ता गराउँदै सम्पूर्ण लिखित, इलेक्ट्रोनिक र भौतिक प्रमाण सुरक्षित राख्न माग गरेको छ। पाइकका वकिलहरूले उनलाई सर्वस्वसहित जन्मकैदमा सजाय परिमार्जन गर्न गभर्नर बिल लीसँग अपिल गरेका छन्।