भरुवा बन्दुक र हतियार बनाउने सामग्रीसहित एक जना पक्राउ

मोरङको लेटाङ नगरपालिका-७ वारंगी कोलधारीस्थित एक घरबाट प्रहरीले भरुवा बन्दुक र हतियार बनाउने सामग्रीसहित एक जनालाई पक्राउ गरेको छ।

सोही ठाउँका पूर्ण लावती लिम्बूलाई भरुवा बन्दुकसहित बिहीबार पक्राउ गरिएको मोरङ प्रहरीका सूचना अधिकारी डिएसपी मकेन्द्रकुमार मिश्रले जानकारी दिए। उनका अनुसार लिम्बूले आफ्नै घरमा भरुवा बन्दुक बनाई बिक्रीवितरण गर्ने गरेको सूचनाका आधारमा इलाका प्रहरी कार्यालय लेटाङको टोलीले उनको घरमा खानतलासी गरेको थियो।