नेपालका लागि भारतीय राजदूतमा कूटनीतिज्ञ सुधाकर दलेलाको चर्चा

काठमाडौँ । भारत सरकारले नेपालका लागि नयाँ राजदूतका रूपमा अनुभवी कूटनीतिज्ञ सुधाकर दलेलालाई नियुक्त गर्ने तयारी गरेको छ। वर्तमान राजदूत नवीन श्रीवास्तव आफ्नो कार्यकाल पूरा गरी फर्किएपछि दलेलाले काठमाडौँस्थित भारतीय दूतावासको नेतृत्व सम्हाल्ने भएका हुन्।

इलेक्ट्रोनिक्स इन्जिनियरिङमा स्नातक गरेका दलेला सन् १९९३ ब्याचका भारतीय परराष्ट्र सेवा (आईएफएस) का वरिष्ठ अधिकारी हुन्। उनी १ सेप्टेम्बर २०२५ देखि भारतीय विदेश मन्त्रालयमा ‘सचिव (आर्थिक सम्बन्ध)’ का रूपमा कार्यरत छन्।