नेपाल गलैँचा उत्पादक तथा निकासीकर्ता संघको चौथो वार्षिक साधारणसभा सम्पन्न

नेपाल गलैँचा उत्पादक तथा निकासीकर्ता संघको चौथो वार्षिक साधारणसभा सम्पन्न भएको छ । बिहीबार गण्डकी प्रदेशका सासंद एवं संघका अध्यक्ष रामबहादुर गुरुङको अध्यक्षतामा नेपाली गलैँचा उद्योगको सम्वद्र्धन, प्रवद्र्धन, विस्तार तथा विकासका योजनाहरुको विषयहरुमा छलफल गर्दै साधारणसभा सम्पन्न भएको हो ।

कोभिड महामारीले निम्त्याएको प्रतिकुल अवस्थामा समेत गलैचा उद्योगहरुले आफ्नो व्यवसायिक गतिविधिलाई निरन्तरता दिई राष्ट्रिय अर्थतन्त्रमा योगदान पुर्याउन सफल भएको संघका अध्यक्ष रामबहादुर गुरुङले बताए । गलैँचा उद्योगको विकास र प्रवद्र्धनका निमित्त नेपाल सरकारले थप ध्यान दिएमा उद्योगको दीर्घकालिन विकास हुन सक्ने उनले विश्वास व्यक्त गरे ।