केही दिनअघि पक्राउ परेर रिहा भएका मेयर राजेशमानमाथि विशेष अदालतमा मुद्धा

वीरगञ्ज । अख्तियार दुरुपयोग अनुसन्धान आयोगले वीरगञ्ज महानगरपालिकाका नगर प्रमुख राजेशमान सिंह सहितका व्यक्तिहरूविरुद्ध झुटा विवरणका आधारमा नागरिकता दिलाएको कसूरमा विशेष अदालत, काठमाडौँमा आरोपपत्र दायर गरेको छ।

नगर प्रमुख सिंहले सरकारी कर्मचारी र गृह मन्त्रालयको छानबिन समितिका पदाधिकारीहरूसँग समेतको मिलेमतोमा सिन्धुपाल्चोककी रीता भट्टराईकी छोरीलाई आफ्नी छोरी 'रुविना श्रेष्ठ' कायम गरी गैरकानूनी रूपमा नेपाली नागरिकता दिलाएको अख्तियारको अनुसन्धानबाट खुलेको छ।