निर्वाचन आयोगले थाल्यो स्थानीय चुनावको तयारी

निर्वाचन आयोगले स्थानीय तहको आगामी निर्वाचनको आन्तरिक तयारी थालेको छ । प्रमुख निर्वाचन आयुक्त मानबहादुर कार्कीले आयोग निर्वाचनको तयारीमै रहेको बताएका हुन् ।

राष्ट्रिय समाचार समिति (रासस)को प्रतिनिधिमण्डलसँग बिहीबार निर्वाचन आयोगमा भएको कुराकानीमा प्रमुख निर्वाचन आयुक्त कार्कीले सरकारले निर्वाचनको मिति तोक्ने र तोकिएको मितिमा निष्पक्ष एवं विवादरहित ढङ्गबाट निर्वाचन सम्पन्न गर्ने दायित्व आयोगको रहेको बताए ।