अमेरिकामा मोदीले भने, ‘भारत लोकतन्त्रको जननी हो’

अमेरिका : भारतीय प्रधानमन्त्री नरेन्द्र मोदी अमेरिकाको भ्रमणमा छन्। राजकीय भनिएको यो उनको पहिलो भ्रमणमा ह्वाइट हाउसले विशेष स्वागतसहित सम्मान गर्यो‍। अमेरिकी राष्ट्रपति जो बाइडेन र मोदीबीच एकअर्काको प्रशंसा निरन्तर चलिरह्यो। यसै क्रममा मोदीले अमेरिकी संसद्लाई समेत विशेष सम्बोधन गरे र भने, ‘इन्डिया इज् द मदर अफ डेमोक्र्यासी।’ अर्थात् भारत लोकतन्त्रको जननी हो।

उनले भारतको लोकतन्त्रका बारेमा विश्व समुदायले सिक्न सक्नेसमेत भन्न भ्याए। भने, ‘लोकतन्त्र भनेको मात्रै कागजमा भएको स्वतन्त्रता होइन, महिला अधिकार र अन्य थुपै्र कुरा भारतसँग छ। जुन अन्य देशले सिक्नुपर्छ।’ उनले भारतमा करिब २५ हजार राजनीतिक दलहरू रहेको बताए। तर, पनि लोकतन्त्रको सम्मान सबैले गरेको उनको तर्क थियो।