“दीर्घ रोगको उपचार औषधिले मात्र हुन्न” 

‘मानव शरीरमा हुने अनेक रोगको मूल कारण अस्वस्थकर पेट र अस्वस्थकर भोजन हो’ भन्ने तथ्यलाई प्रतिपादन गर्दै डा. रोबर्ट लस्टिङले लेखेको पुस्तक ‘मेटाबोलिक्ल’ (Metabolical) मा उनले कसरी भोजन उत्पादन गर्ने कम्पनी, औषधि कम्पनी र पत्रु खानाले हामीलाई स्वस्थ रहनबाट वञ्चित गर्दछन् भन्ने कुरा प्रस्ट पारेका छन् । यस पुस्तकमा डा. लस्टिङले आफ्नो खोज र अनुभवरुलाई बडो रोचक तरिकाले व्याख्या गरेका छन् । यी तथ्यहरु हाम्रो सन्दर्भमा पनि सामयिक भएकाले त्यसका महत्वपूर्ण केही कुरा प्रस्तुत गरिएको छ ।

बालरोग विशेषज्ञ बनेपछि डा. लस्टिङले अमेरिकाका बालबालिकाको मोटोपनको समस्याका सम्बन्धमा काम गरे । हर्मोन विज्ञका रुपमा बालबालिकाको समस्या समाधान गर्ने क्रममा उनलाई ‘बालबालिकामा भएका धेरै समस्या औषधि मात्रैले समाधान गर्न नसक्ने रहेछ, कलेजमा पढेको ज्ञानले मात्र बच्चाहरुको मोटोपन, थाइराइडको समस्या हल गर्न नसकिने रहेछ’ भन्ने अनुभव भयो । अनि उनले नयाँ तरिकाले यसको उपचार गर्न शुरु गरे ।