खुलामञ्चबारे प्रधानमन्त्रीको टिप्पणी रवि लक्षित : महेश बस्नेत

काठमाडौं- नेकपा एमालेका सचिव महेश बस्नेतले खुलामञ्चबारे प्रधानमन्त्री वालेन्द्र शाहले सामाजिक सञ्जालमार्फत गरेको टिप्पणी पार्टी सभापति रवि लामिछाने लक्षित रहेको प्रतिक्रिया दिएका छन् । पार्टीको स्थायी समिति बैठकपछि सञ्चारकर्मीहरूसँग कुराकानी गर्दै सचिव बस्नेतले कांग्रेसको महाधिवेशनमा सभापति रवि लामिछानेको भनाइप्रति प्रधानमन्त्रीले त्यस्तो टिप्पणी गरेको उल्लेख गरे ।

‘महाधिवेशनमा प्रकट भएर रवि लामिछानेले बोल्ने क्रममा पार्टीमा असहयोग गर्ने, फरक ढङ्गले प्रस्तुत हुने र पार्टीलाई भाड्न आएकाहरूलाई तपाईंहरूले धेरै सम्झाइरहनु परेन, तपाईंहरूले चाहिँ कारबाही गरेर निकालिदिए हुन्छ, भन्ने सल्लाह दिएँ भन्नुभयो’ सचिव बस्नेतले भने, ‘रविले मलाई नै देखेका हुन् कि भन्ने बुझाइ बालेनजीलाई भयो होला ।’