बेलायती अखबारको दाबी : 'प्रिन्स चार्ल्सले कतारका पूर्व प्रधानमन्त्रीबाट करोडौं रुपैयाँ चन्दा लिए'

बेलायतका युवराज चार्ल्सले कतारका पूर्व प्रधानमन्त्री शेख हमिद बिन जस्सिमले प्रदान गरेको करोडौं रुपैयाँ नगद स्वीकार गरेको दाबी गरिएको छ। द सन्डे टाइम्सले चार्ल्सले तीनपटक नगद चन्दास्वरुप लिएको समाचार प्रकाशन गरेको बीबीसी ले जनाएको छ।

सन्डे टाइम्स का अनुसार चार्ल्सले सन् २०११ देखि २०१५सम्म तीनपटक गरि करिब १ मिलियन युरोप नगदमा चन्दा लिएका थिए। क्लरेन्सन हाउसमै भएको भेटका क्रममा एकपटक चन्दा लिइएको दाबी गरिएको छ। सन् २०१३ जुनसम्म शेख हमिद कतारका प्रधानमन्त्री थिए। नगदहरु फोर्टनम र मेसनका डिपार्टमेन्ट स्टोरका ‘क्यारियर ब्गाय’मा रहेको समेत उल्लेख गरिएको छ।