एन्सिसोको गोलमा जर्मनी विरुद्ध पाराग्वे १–० ले अगाडि

काठमडौँ। जारी फिफा विश्वकप २०२६ को ‘राउन्ड अफ ३२’ अन्तर्गतको रोमाञ्चक खेलमा पहिलो हाफको समाप्तिसम्म पाराग्वेले बलियो प्रतिद्वन्द्वी जर्मनी विरुद्ध १–० को सुरुवाती अग्रता बनाएको छ ।

अमेरिकाको फक्सबरो रंगशालामा नेपाली समय अनुसार मंगलबार बिहान २:१५ बजे सुरु भएको खेलको ४२ औँ मिनेटमा पाराग्वेका स्ट्राइकर जुलियो एन्सिसोले उत्कृष्ट गोल गर्दै टोलीलाई सुरुवाती अग्रता दिलाएका हुन् । उनलाई माटियास गालार्जाले गोलका लागि सुन्दर पास उपलब्ध गराएका थिए । त्यसपछिको थप समयमा जर्मनीले गोल फर्काउने प्रयास गरे पनि पहिलो हाफ पाराग्वेको पक्षमा सकियो ।