तथ्यांकीय प्रयोजनमैत्री वस्तु वर्गीकरण

अन्तरराष्ट्रिय अभ्यासलाई नेपालले पनि अनुसरण गर्नुपर्छ

वस्तु वर्गीकरणमा प्रचलनमा रहेको एचएसकोड अन्तरराष्ट्रिय व्यापारको सम्पर्क भाषाका रूपमा परिचित छ । यस वर्गीकरणका विभिन्न किसिमका प्रयोजनमध्ये तथ्यांकीय प्रयोजन पनि महत्त्वपूर्ण पक्षका रूपमा रहेको छ । विभिन्न देशले मुलुकको वैदेशिक व्यापार नियमनमा एचएस वर्गीकरणलाई भन्सार राजस्व र तथ्यांकीय प्रयोजनलक्षित गरी विभिन्न व्यवस्था गरेका छन् । विश्व भन्सार संगठनले पनि एचएस वर्गीकरणमा तथ्यांकीय प्रयोजन महत्त्वपूर्ण पक्षका रूपमा रहेको उल्लेख गरेको छ ।