फेवाताल बसुन्धरा पार्कमा संरचना नबनाउन खबरदारी

पोखरा । फेवाताल किनार बसुन्धरा पार्कमा कुनै पनि बहानामा संरचना बनाउन नदिन सरोकारवालाले खबरदारी गरेका छन् । पोखरा महानगरले कोरिया अन्तर्राष्ट्रिय सहयोग नियोग (कोइका) लाई बसुन्धरा पार्कको १० रोपनी ग्रिन भेन्चर जोन स्थापनाका लागि दिएसँगै सरोकारवालाले खबरदारी गरेका हुन् ।

राष्ट्रिय सम्पदा तथा जनाधिकार संरक्षण समिति नेपाल र स्थानीयको टोलीले शुक्रबार प्रमुख जिल्ला अधिकारी बासुदेव घिमिरे र पोखरा महानगरपालिका उपप्रमुख मञ्जुदेवी गुरुङलाई यससम्बन्धमा सचेत गराउँदै ज्ञापनपत्र बुझाएको छ ।