इलिमिनेटरमा साविक विजेतालाई ललितपुरको चुनौती

काठमाडौं । नेपाल सुपर लिग (एनएसएल) को इलिमिनेटरमा आज साविक विजेता काठमाडौं रेजर्ससामु ललितपुर सिटी एफसीले चुनौती प्रस्तुत गर्दै छ ।

प्रतियोगितामा काठमाडौं तेस्रो र ललितपुर चौथो स्थानमा रहँदै प्लेअफमा आएका हुन् । तेस्रो स्थानको काठमाडौंले आठ खेलबाट समान तीन खेलमा जित र बराबरीसँगै दुई खेलमा हारको नतिजासहित १२ अंक जोड्दै प्लेअफमा स्थान बनाएको हो । चौथो स्थानको ललितपुरले लिग चरणमा दुई जित, चार बराबरी र दुई खेलमा हार बेहोरेको थियो ।