ई–पासपोर्ट छपाइ टेन्डरमा सहभागी कम्पनीको प्राविधिक मूल्यांकन सुरु

काठमाडौं । ई–पासपोर्ट छपाइको टेन्डरमा सहभागी कम्पनीको प्राविधिक मूल्यांकनको काम सुरु भएको छ । बोलपत्र आह्वान गर्दा ९ फागुनसम्म आवेदन दिने कम्पनीहरूको मूल्यांकन सुरु गरिएको राहदानी विभागले जनाएको छ ।

विभागले आह्वान गरेको बोलपत्रमा प्याकेज १ मा ३ कम्पनी मात्रै सहभागी भएका छन् भने प्याकेज २ का लागि ४ कम्पनीले आवेदन दिएका छन् । अन्तर्राष्ट्रिय बोलपत्र आह्वान गर्दा प्याकेज १ मा आवेदन प्रणाली, डेटा व्यवस्थापन तथा प्रशोधन र पासपोर्ट वितरण राखिएको थियो । यस्तै, दोस्रो प्याकेजमा ई–पासपोर्टको खाली पुस्तिका र सोको वैयक्तीकरण समावेश गरिएको थियो ।