रमजानमा नेपालीलाई राहत : दैनिक ६ घण्टा मात्र काम

काठमाडौं । कतार सरकारले इस्लाम धर्मावलम्बीको पवित्र महिना रमजानमा कामदारहरूलाई दैनिक ६ घण्टाभन्दा बढी काममा नलगाउने भएको छ । पवित्र महिना रमजानको अवसर पारेर कतारको श्रम मन्त्रालयले निजी क्षेत्रका संस्थामा पवित्र महिनामा काम गर्ने समय तोकेको हो ।

श्रम ऐनअनुसार साताको ३६ घण्टा र दिनमा बढीमा ६ घण्टा काम गर्ने समय तोकिएको मन्त्रालयले जनाएको छ । मन्त्रालयका अनुसार रमजानको अवसरमा कार्यअवधि घटाएर ६ घण्टा कायम गरिएको छ । काम गर्ने समय ६ घण्टा कायम गरे पनि रोजगारदाताले पूरा दिनको तलब र सेवासुविधा दिनुपर्नेछ ।