तातोपानी भन्सार क्षेत्रमा सुख्खा पहिरो, सशस्त्र प्रहरीको बीओपीमा क्षति

२२ साउन, काठमाडौं । सिन्धुपाल्चोकको भोटेकोशी गाउँपालिका–३ स्थित तातोपानी भन्सार क्षेत्रमा सुख्खा पहिरो खस्दा सशस्त्र प्रहरी बलको सीमा सुरक्षा बेस (बीओपी) मा क्षति पुगेको छ । मानवीय क्षति नभएको सशस्त्र प्रहरीले जनाएको छ ।

सशस्त्र प्रहरीका अनुसार गएराति १:१५ बजे बीओपीको उत्तर–पश्चिमतर्फ रहेको करिब २००/३०० मिटर अग्लो डाँडाबाट सुख्खा पहिरो झरेको थियो । पहिरोसँगै ढुंगाहरू उछिट्टिँदा बीओपी परिसरका विभिन्न संरचनामा क्षति पुगेको हो ।