फोहोर–मैला व्यवस्थापन गर्न अध्ययन समिति गठन

मोरङ – विभिन्न अस्पतालबाट निस्किने फोहोर–मैला दीर्घकालीन रूपमा व्यवस्थापन गर्न विराटनगर महानगरपालिकाले अध्ययन समिति गठन गरेको छ।

महानगरका अनुसार मेयर नागेश कोइराला, उपमेयर शिल्पा निराला कार्की, प्रमुख प्रशासकीय अधिकृत विष्णुप्रसाद कोइराला र सामाजिक विकास समितिका संयोजक काजीबहादुर बस्नेतको उपस्थितिमा निजी अस्पतालहरूको छाता संगठन अफिन, विराटनगरमा सञ्चालित मेडिकल कलेज, अस्पताल, नर्सिङहोम, ल्याब, पोलिक्लिनिक, मेडिकललगायत प्रतिनिधिको भेलाले समिति गठन गरेको हो।