पूर्वका ५ जिल्लामा शनिबार १२ घण्टा लोडसेडिङ

काठमाडौं, साउन २२। नेपाल विद्युत् प्राधिकरणले मोरङस्थित केरौन १३२/३३ के.भी. सबस्टेशन का उपकरणहरूको परीक्षण तथा सञ्चालन तथा दुहबी–दमक १३२ के.भी. प्रसारण लाइनअन्तर्गत केरौनस्थित टावर नं. ६८ र ६९ बीच डेड एन्ड टावर जडान कार्य सम्पन्न गर्न शनिबार केही जिल्लामा अस्थायी रूपमा विद्युत् आपूर्ति बन्द हुने जनाएको छ ।

प्राधिकरणका अनुसार २०८३ साल साउन २३ गते शनिबार बिहान ४:०० बजेदेखि दिउँसो ४:०० बजेसम्म विद्युत् आपूर्ति बन्द रहनेछ ।