विश्व सडक सुरक्षा सप्ताहः उपत्यकामा ट्राफिक सचेतना अभियान तीव्र

काठमाडौँ । विश्व सडक सुरक्षा सप्ताह–२०२६ को अवसर पारेर काठमाडौँ उपत्यका ट्राफिक प्रहरी कार्यालयले सडक सुरक्षा तथा ट्राफिक अनुशासनसम्बन्धी व्यापक जनचेतनामूलक कार्यक्रम आयोजना गरेको छ ।

बढ्दो सवारी चाप, अव्यवस्थित ट्राफिक प्रणाली र सडक दुर्घटनाको जोखिमलाई न्यूनीकरण गर्ने उद्देश्यसहित सञ्चालन गरिएको उक्त अभियानअन्तर्गत उपत्यकाका व्यस्त क्षेत्रमा सचेतनामूलक गतिविधि गरिएको हो । शुक्रबार बिहानदेखि काठमाडौँ, ललितपुर र भक्तपुरका प्रमुख चोक तथा सार्वजनिकस्थलमा प्लेकार्ड, ब्यानर प्रदर्शन, पर्चापम्पलेट तथा स्टिकर वितरण कार्यक्रम सञ्चालन गरिएको ट्राफिक प्रहरीले जनाएको छ ।