उषानाथ चम्किँदा पुलिस सेमिफाइनलमा

इलाम । टाई ब्रेकरमा गोल किपर उसा नाथ चम्किँदा नेपाल पुलिस क्लब दोस्रो महिला गोल्ड कपको सेमिफाइनलमा प्रवेश गरेको छ । इलामको ठुलो टुँडिखेलमा बागमती महिला फुटबल क्लब सर्लाहीलाई टाई ब्रेकरमा हराउँदै पुलिसले सेमिफाइनल प्रवेश गरेको हो ।

पुलिस क्लबले खेल अवधिभर एकलौटी दबाबमा राखे पनि निर्धारित समयमा गोलरहित बराबर भएपछि नतिजा टाई ब्रेकरबाट लिइएको थियो । पुलिसको तर्फबाट रेविका पाण्डे, विर्षना चौधरी, र गोल किपर उषानाथले गोल गर्दा क्याप्टेन निरु थापाले बाहिर हानेकी थिइन । यता बागमतीको तर्फबाट सलन कुमारी रानाले मात्र गोल गरिन भने अञ्जलि खवास र सेमी लिम्बुको प्रहार पुलिसकी गोल रक्षक उषानाथले सेभ गर्दा विष्णुमायाको प्रहार बाहिरिन पुगेको थियो ।